पाेखरा ।
पाेखरामा च्याङ्ग्रा चोरी गरेको कसूरमा १ जना पक्राउ परेका छन् ।
मुस्ताङका ताक्ला गुरुङको १०३ वटा च्याङ्ग्रा ट्रकमा लोड गरी बेपत्ता भएका मुन्ना भनेर चिनिने मोहम्मद फकिरलाई कास्की प्रहरीले साेमबार पक्राउ गरेको हो ।
असोज १ गते मुस्ताङस्थित ताक्ला गुरुङको गोठमै गएर मोहम्मदसहित ३ जनाले च्याङ्ग्राको मोलमोलाई गरेका थिए ।
च्याङग्रासहित फरार भएका मुन्ना
केहि समय कुर्दापनि मुन्ना पैसा लिएर नआएपछि शंका लागेर खोजतलास गर्दा मुन्ना फरार भएकाे थाहा पाएपछि ताक्ला गुरूङले प्रहरीमा उजुरी गरेका थिए । उजुरीका आधारमा प्रहरीले खाेजतलास गर्दा असोज ३ गते नै ४०–५० वटा च्याङ्ग्रासहितको ट्रक चितवनमा भेटिएको थियो । मुन्ना साेमबार उनैकाे कोठाबाट पक्राउ परेका हुन् ।
कास्की जिल्ला अदालतबाट ठगी अपराधिक विश्वासघात तथा आपराधिक लाभ (एक्सटर्सन) सम्बन्धी कसूरमा छ दिन म्याद थप गरी अनुसन्धान प्रकृया अगाडि बढाइएको प्रहरीले जनाएको छ ।
मुन्नाले केहि च्याङ्ग्रा मरेकाे र केहि बिक्री गरेकाे प्रहरीलाई बताएका छन् ।
प्रकाशित मिति २०८१ असोज ८ गते मंगलबार ०९:५९
