प्रतिगमनका विरूद्दमा पाेखरेली सडकमा
पाेखरा । प्रतिनिधिसभा विघटनकाे बिरूद्दमा नागरिक सर्वाेच्चताकाे लागि पाेखरामा नागरिकहरू नै जागरूक भएका छन् । प्रतिनिधिसभा विघटनका बिरूद्दमा पाेखराका नागरिकहरूले सनिबार स्वत स्फुर्त विराेध सभाकाे आयोजना गरेको गरे ।
समूहकाे र्याली पाेखराकाे मानवअधिकारचोकबाट शुरू भएर महेन्द्रपुलस्थित भीमसेन चोकमा पुगि सभामा परिणत भएकाे थियाे ।
विरोध सभामा बाेल्दै नेपाल उद्योग वाणिज्य महासंघका पूर्व अध्यक्ष आनन्दराज मुल्मीले संविधान अनुसार चल्नुपर्ने मुलुक काेहि कसैकाे सनकबाट चल्न खाेजेकाेले नागरिकहरू सडकमा निस्कनुपरेकाे बताए ।
साहित्यकार गनेस पौडेलले अहिलेका शासकहरूले एकपछि अर्काे गर्दै नागरिक विश्वासका धराेहर भत्काउँदै गएकाेमा चिन्ता व्यक्त गरे । उनले अहिले याे वा त्याे दलकाे काम ठिक वा बेठिक भन्नुभन्दा पनि नागरिक सर्वाेच्चताका बारेमा साेच्नुपर्ने उल्लेख गरे । प्रधानमन्त्रीकाे अहिलेकाे कदम संसद विघटन मात्र नभएर संविधानमाथिकै हमला भएकाे उनकाे जिकिर थियाे ।
कार्यक्रमका अवसरमा निर्मला न्यौपानले, सुदर्शन पाैडेल लगायतले सम्बाेधन गरेका थिए भने सहभागीहरूले प्रतिगमन विरूद्दमा कविता, गीत प्रस्तुत गरेर विराेध जनाएका थिए ।
प्रकाशित मिति २०७७ माघ १७ गते शनिबार ०९:३५
