पोखराको नयाँबजारमा आगलागी हुँदा २ जना घाईते

पोखरा । पोखरा महानगरपालिका वडा नंं. ८ नयाँबजारमा रहेको एक वर्कसपमा आज आगालागी भएको छ । आगोलागीमा परी २ जना घाइते भएका छन् ।

जाल्पादेवी अटो वर्कसपमा भएको आगालागीमा परि घाइते हुनेमा सन्दिप खड्की र हरी खडकी रहेका छन्। गम्भीर घाइते सन्दीप खड्कीलाई उपचारको लागि हस्पिटल लगिएको छ। उनका दुवै खुट्टामा र शरिरको केहीभागमा आगोले पोलेको छ । अर्का घाइते हरीको हातमा आगोले पोलेको छ । उनको अवस्था सामान्य रहेको छ ।

वर्कसपमा भएको आगालागीमा दुईवटा मोटरसाइकल र एउटा मोटरसाइकलको इन्जिन, ग्यारेजमा राखिएका मोटरसाइकल पार्टस्, मोविल लगायतका मोटरसाइकल बनाउँदा प्रयोग हुने सामाग्रीहरु पूर्ण रुपमा जलेर नष्ट भएका छन् ।

घटानाबाट क्षतिको विवरण पूरा नआएपनि करिब २०–२५ लाखको क्षति भएको सञ्चालकको दावी छ । उनले भने “मोटरसाइकल बनाउने क्रममा मोटरसाइकलको वायरिङ सर्ट भई मिस फायरिङ (प्लक सर्ट) हुँदा निस्केको आगोले आगालागी भएको हो।”