काठमाडौंमा फेरि देखियो बर्डफ्लु

काठमाडाैं । काठमाडाैंमा फेरि बर्डफ्लुको संक्रमण देखिएको छ । काठमाडौंको तारकेश्वर नगरपालिकामा फेरि बर्डफ्लु संक्रमण देखिएको हाे ।

पशु सेवा विभागका प्रवक्ता डाक्टर चन्द्रमणि ढकालका अनुसार तारकेश्वर नगरपालिका–१ साङ्लाफाँटका कुखुरा फार्ममा बर्डफ्लु पुष्टि भएको हो । बर्डफ्लु देखिएपछि बिहीबार त्यहाँका साढे १५ हजारभन्दा धेरै कुखुरा नष्ट गरिएको छ ।

तारकेश्वरमा यसअघि पनि बर्डफ्लु देखिएको थियो । नियन्त्रण भइसकेको पुश सेवा विभागले जनाएको भएपनि तारकेश्वरमा फेरि संक्रमण फैलिएको हो ।

संक्रमण फैलिएको पुष्टि भएपछि पशु सेवा विभागले नियन्त्रणका लागि ४ बुँदे अपिलसमेत जारी गरेको छ।