पोखरा-
नेकपा माओवादी केन्द्रका नेता कुलप्रसाद केसीलाई नयाँ मुख्यमन्त्री प्रस्तावित गर्दै लुम्बिनी प्रदेशका मुख्यमन्त्री विरुद्ध अविश्वासको प्रस्ताव दर्ता भएको छ ।
नेकपा माओवादी केन्द्रका अध्यक्ष पुष्पकमल दाहालले चेतावनी दिएको दुई दिन लगत्तै लुम्बिनीका मुख्यमन्त्री शंकर पोखरेल विरुद्ध अविश्वास प्रस्ताव दर्ता भएको हो ।
दाहालले दुई दिन अघि कर्णाली पनि गण्डकी र लुम्बिनीको पनि प्रदेश सरकार परिवर्तन हुने र त्यसका लागि आफु लागि परेको सार्वजनिक अभिव्यक्ति दिएका थिए ।
अविश्वासको प्रस्तावमा नेपाली काँग्रेस, नेकपा माओवादी केन्द्र र जनता समाजवादी पार्टीका ४१ जनाले हस्तक्षर गरेका छन् । लुम्बिनी प्रदेशमा नेकपा एमालेका ४१ जना साँसद छन् भने, नेपाली काँग्रेसका १९ नेकपा माओवादी केन्द्रका १७ र जनता समाजवादी पार्टीका ५ जना र राष्ट्रिय जनमोर्चाका १ जना साँसद रहेका छन् ।
नेकपा एमालेमा पनि माधव नेपाल र केपि शर्मा ओली पक्षीय भएकाले शंकर पोखरेललाई विश्वासको मत जुटाउन असम्भव जस्तै छ । लुम्बनी प्रदेश सभा ८७ सदस्यीय हो ।
माओवादी केन्द्रका २ जना साँसद नेकपा एमाले तिर लागेपछि सो पार्टीले उनीहरुलाई साँसदबाट बर्खास्त गरेका कारण लुम्बिनी प्रदेश सभा ८५ सदस्यीय भएको छ सो सभाबाट विश्वास लिन ४३ मत आवश्यक हुन्छ ।
