पोखरामा वर्डप्रेस मिटअप हुँदै

पोखरा।

वर्डप्रेसमा रुचि राख्ने डेभलपर, डिजाइनर, ब्लगर, व्यवसायी तथा प्रविधि प्रेमीहरूलाई लक्षित गर्दै वर्ड क्याम्प पोखरा मिटअपको आयोजना हुने भएको छ ।

वर्डप्रेस पोखरा कम्युनिटीले पोखराको महेन्द्रपुलमा रहेको गण्डकी विश्वविद्यालयमा फेबु्रअरी १ अथार्त आज वर्डप्रेस पोखरा फेबु्रअरी मिटअपको आयोजना गर्न लागेको हो ।

मिटअपमा वर्डप्रेस प्लगिन डेभलपमेन्ट सम्बन्धी वर्कसप तथा वर्डक्याम्प नेपाल २०२५ को विषयमा छलफल हुने जनाइएको छ । साथै वर्डप्रेस कम्युनिनिटीको बारेमासमेत छलफल हुनेछ ।

वर्डप्रेसका अनुभवी वर्डप्रेस सोलुसन इन्जिनियर रेगन खड्गीले वर्डप्रेस प्लगिन डेभलपमेन्ट बारेमा प्रशिक्षण दिनेछन् । रेगन खड्गीले अनलाइन खबर तथा जर्मनीस्थित प्लान्टुराको लागि प्लगिन विकास गरिसकेका छन् ।

कार्यशालमा वर्डप्रेस प्लगिन डेभलपमेन्ट बेसिक स्ट्रक्चरदेखि पहिलोपटक कस्टम वर्डप्रेस प्लगिन बनाउने तरिकाहरुबारे सिकाइनेछ । साथै वर्डप्रेसको कार्यक्षमता विस्तार गर्ने महत्वपूर्ण तरिकाहरुबारे पनि प्रशिक्षण दिइनेछ।

वर्डप्रेस पोखरा मिटअपको दोश्रो सत्रमा WordCamp Nepal 2025  अपडेटू मा Rigorous Web & Aarambha Themes  सस्थापक सुरेन्द्र श्रेष्ठले WordPress Community र कार्यक्रमबारे जानकारी दिनेछन् । साथै WordCamp Nepal 2025  को तयारी र आयोजनाबारे जानकारी दिइनेछ भने WordPress Coumminity  मा योगदान गर्ने अवसरहरू प्रदान गरिनेछ । सुरेन्द्र श्रेष्ठ १५ वर्षभन्दा बढी अनुभव भएका वर्डप्रेस विशेषज्ञ हुन्। उनले WordCamp Kathmandu, WordCamp Asia जस्ता प्रतिष्ठित कार्यक्रमहरूमा नेतृत्वदायी भूमिका खेलिसकेका छन् । साथै अहिले आयोजना हुदै गरेको WordCamp Nepal २०२५ मा Program Lead को रुपमा काम गर्दैछन् ।  वर्डप्रेसमा करिअर बनाउन चाहनेहरूका लागि वर्डप्रेस मिटअप महत्वपूर्ण अवसर हुने आयोजकको भनाइ छ।