इजरायली हवाई आक्रमणमा ४ प्यालेस्टिनीको मृत्यु

काठमाडौं ।

प्यालेस्टिनी स्रोतहरूकाअनुसार उत्तरी पश्चिम किनारमा रहेको जेनिन शहरमा दुई छुट्टाछुट्टै इजरायली हवाई आक्रमणमा चार प्यालेस्टिनीको मृत्यु भएको छ ।

स्थानीय स्रोतहरू र प्रत्यक्षदर्शीहरूकाअनुुसार जेनिनको दक्षिणमा रहेको कबाटिया शहरको केन्द्रमा रहेको एउटा सवारी साधनलाई इजरायली ड्रोनले निशाना बनाएको थियो । प्यालेस्टिनी स्वास्थ्य मन्त्रालयले पुष्टि गरेको छ कि गाडीमा भएको हमलामा दुई प्यालेस्टिनी युवाहरू मारिएका छन् ।

प्यालेस्टिनी रेड क्रिसेन्ट सोसाइटीले बमबारी पछि जेनिनको पूर्वी छिमेकबाट दुई पीडित र एक घाइतेको शव अस्पताल पु¥याएको छ । इजरायली हवाई आक्रमणले मोटरसाइकललाई पनि लक्षित गरेको थियो ।

जसको परिणामस्वरूप अन्य दुई युवाहरूको मृत्यु भयो ।

अक्टोबर ७, २०२३ देखि वेस्ट बैंकमा तनाव बढ्दै गएको छ । जसको परिणामस्वरूप इजरायली गोलीबारी र हवाई हमलाका कारण ८ सय भन्दा बढी प्यालेस्टिनीहरूको मृत्यु भएको छ ।

प्रकाशित मिति २०८१ माघ २२ गते मंगलबार ०१:३३