प्यालेस्टिनी सशस्त्र समूहद्वारा ३ इजरायली वन्धकहरू हस्तान्तरण

काठमाडौं ।

हमास र प्यालेस्टिनी इस्लामिक जिहादले शनिवार युद्धविराम सम्झौताको पहिलो चरणको छैटौं आदानप्रदानको रूपमा दक्षिणी गाजा पट्टीको खान युनिसमा रहेको तीन इजरायली वन्धकहरूलाई रेडक्रसको अन्तर्राष्ट्रिय समितिलाई हस्तान्तरण गरेका छन् ।

अक्टोबर ७, २०२३ मा दक्षिणी इजरायलमा हमासको आक्रमणमा तीन वन्धकहरू, अलेक्जान्ड्रे (साशा) ट्रुफानोभ, सागुई डेकेल–चेन र यायर हर्न अपहरणमा परेका थिए ।

इजरायली अधिकारीहरूले इजरायल र हमास बीचको छैटौं बन्धक–बन्धक आदानप्रदानको भागको रूपमा आफ्नो जेलबाट ३६९ प्यालेस्टिनी कैदी र बन्दीहरूलाई रिहा गरेका छन् ।

मुक्त गरिएका कैदीहरूमा ३६ जना आजीवन कारावास भोगिरहेका थिए र अक्टोबर ७, २०२३ को आक्रमणपछि गाजा पट्टीबाट इजरायलले पक्राउ गरेका ३३३ बन्दीहरू थिए ।

हमासको सैन्य शाखा अल–कस्सम ब्रिगेड र प्यालेस्टिनी इस्लामिक जिहाद आन्दोलनको सशस्त्र शाखा अल–कुद्स ब्रिगेडका सदस्यहरूको उपस्थितिमा कडा सुरक्षा व्यवस्था बीच तीन वन्धकहरू हस्तान्तरण मञ्चमा उक्लिएका थिए ।

प्रकाशित मिति २०८१ फागुन ४ गते आइतबार ०१:२४