पाेखरामा मिक्सचर दुर्घटना हुँदा सहचालककाे मृत्यु, चालक गम्भिर घाइते

पाेखरा । पोखरामा  मिक्स्चर दुर्घटनामा परी मंगलबार एक युवकको ज्यान गएको छ । दुर्घटनामा अर्का एक युवा घाइते भएका छन् ।

पोखरा १८ सराङकोटबाट पोखरा बजारतर्फ आउँदै गरेको ग १ क ३१८७ नं को मिक्स्चर मेथलाङमा दुर्घटना हुँदा सहचालक पोखरा १४ चाउथेका अन्दाजी २९ वर्षीय अनिरोध थापाको मृत्यु भएको प्रहरीले जनाएको छ ।

बिहान करिब १० बजे भएको दुर्घटनामा गम्भीर घाइते भएका थापालाई उपचारको लागी पश्चिमाञ्चल क्षेत्रीय अस्पताल पठाइएकोमा उपचारको क्रममा मृत्यु भएको गण्डकी प्रदेश प्रहरी कार्यालय पोखराका प्रहरी उपरीक्षक विनोद सिलवालले जानकारी दिएका छन् ।

दुर्घटनामा चालक कोटेश्वर घर भई पोखरा -५ मालेपाटन बस्ने ३५ वर्षीय राजन ठकुरी गम्भीर घाइते भएको र उनको सोही अस्पतालमा उपचार भइरहेको प्रहरी उपरीक्षक सिलवालले बताए।

मिक्स्चर आफै अनियन्त्रित भई सडकको बायाँ तर्फ नालीमा पल्टिएको स्थानियले बताएका छन् ।