काठमाडौं ।
इयाल जामिरले बुधवार इजरायल रक्षा बलको २४ औं प्रमुखको रूपमा पदभार ग्रहण गरेका छन् ।
इजरायलको बहु–मोर्चाको द्वन्द्व जारी रहने चेतावनी दिँदै र आफ्ना शत्रुहरूलाई ‘प्रचण्ड बल’ ले प्रहार गर्ने प्रतिवद्धता जनाए । ५९ वर्षीय जामिरले फेब्रुअरी १६ मा आफ्नो नियुक्तिको सरकारले अनुमोदन गरेपछि तेल अभिभको किरिया सैन्य अड्डामा कमाण्ड परिवर्तन समारोहमा आफ्नो नयाँ भुमिका ग्रहण गरे ।
उनले अक्टोबर ७, २०२३ मा हमास नेतृत्वको आक्रमणको क्रममा इजरायलीहरूको रक्षा गर्न असफल भएको स्वीकार गरेपछि जनवरीमा राजीनामा दिएका हर्जी हालेवीको उत्तराधिकारी बने । रक्षा मन्त्रालयका पूर्व महानिर्देशक जामिर १९८५ मा सेनामा सामेल भए । अर्को वर्ष ट्याङ्क कमाण्डर बने ।
पछि दक्षिणी कमाण्डको कमाण्डर र उपप्रमुखको रूपमा सेवा गरे । समारोहको क्रममा जमीरकी श्रीमती, प्रधानमन्त्री बेन्जामिन नेतान्याहू र रक्षामन्त्री इजरायल काट्जले जिम्मेवारी दिए ।
जनवरी १९ मा लागू भएको हमाससँगको युद्धविरामको भविष्य अनिश्चित रहेको बेला जमिरले संवेदनशील समयमा पदभार ग्रहण गरेका छन् । उत्तरी कब्जा गरिएको पश्चिम किनारमा जारी ठूलो मात्रामा सैन्य अभियान र इजरायलले आफ्नो कट्टर शत्रु मान्ने इरानसँग बढ्दो तनावको बीचमा हिंसा बढ्दै गएको छ ।
प्रकाशित मिति २०८१ फागुन २२ गते बिहीबार ०३:०७
