ट्युनिसियाली नेताले योजनाको लागि आफ्नो देशको समर्थनमा जोड
इजिप्टका राष्ट्रपति अब्देल–फताह अल–सिसी र ट्युनिसियाली समकक्षी कैस सईदले सोमवार प्यालेस्टिनीहरूलाई उनीहरूको भूमिबाट विस्थापित गर्ने वा उनीहरूको उद्देश्यलाई कमजोर पार्ने उद्देश्यले गरिएको कुनैपनि प्रयास अस्वीकार गरेका छन् ।
इजिप्टको राष्ट्रपति कार्यालयको एक विज्ञप्तिअनुसार फोन वार्तामा नेताहरूले गाजापट्टीको अवस्थाको बारेमा छलफल गरे ।
युद्धविराम कायम राख्न र मानवीय सहायता वितरणलाई सहज बनाउन इजिप्टको पहलहरूको समीक्षा गरे ।
सईदले हालैको आपतकालीन अरब शिखर सम्मेलनमा सर्वसम्मतिले समर्थनका साथ अपनाइएको गाजाको लागि इजिप्टको पुनर्निर्माण योजनाको प्रशंसा गरे ।
ट्युनिसियाली नेताले योजनाको लागि आफ्नो देशको समर्थनमा जोड दिए । त्यहाँका बासिन्दाहरूलाई विस्थापित नगरी गाजा पुनर्निर्माण गर्ने लक्ष्यलाई जोड दिनुपर्ने बताए ।
दुवै राष्ट्रपतिहरूले पूर्वी जेरुसेलमलाई राजधानी बनाएर १९६७ को सीमानामा प्यालेस्टिनी राज्य स्थापना गर्नु नै दिगो क्षेत्रीय शान्तिको एकमात्र मार्ग रहेको कुरामा जोड दिए । उक्त वार्तामा लिबिया र सिरियाको विकासलाई पनि सम्बोधन गरिएको थियो । जसमा दुवै नेताहरूले यी राष्ट्रहरूको सम्पूर्ण क्षेत्रहरूमा स्थिरता, एकता र सार्वभौमिकताप्रति आफ्नो प्रतिवद्धतालाई पुनः पुष्टि गरेका थिए ।
प्रकाशित मिति २०८१ फागुन २७ गते मंगलबार ११:१५
