गोरखामा नाबालिका बलात्कार आरोपमा युवक पक्राउ

‎गोरखा ।

गोरखा प्रहरीले नाबालिका बलात्कार आरोपमा २२ वर्षीय युवकलाई पक्राउ गरेको छ । पक्राउ परेका आरोपित पालुङटार नगरपालिका–१ खोप्लाङका सुलिन सुनार हुन् ।

जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्रप्रसाद सुवेदीका अनुसार आरोपितले फागुन १८ गते आइतबार राती १० बजे पालुङटार नगरपालिका–१० मिरकोटकी १३ वर्षीया बालिकालाई बलात्कार गरेको आरोप छ । घटनापछि आरोपित फरार थिए ।

‎पीडित बालिकाको आफन्तले फागुन २६ गते सोमबार प्रहरीमा उजुरी दिएका थिए ।

उजुरीपछि गोरखा जिल्ला अदालतबाट पक्राउ आदेश लिई चैत्र २ गते आरोपितलाई पालुङटार नगरपालिका–२ बाट नियन्त्रणमा लिइएको हो ।

‎आरोपितलाई चैत्र ३ गते मुद्दा दर्ता गरी अदालतबाट अनुसन्धानको लागि म्याद थप गरिएको छ ।

प्रहरीले मुद्दाको अनुसन्धान सुरु गरेको छ ।