पूर्वराजालाई बालेनले तोके ७ लाख ९३ हजार जरिवाना

काठमाडौं ।

काठमाडौं महानगरपालिकाले पूर्वराजा ज्ञानेन्द्र शाहलाई ७ लाख ९३ हजार जरिबाना तोकेको छ ।

महानगरले हिजो ९शुक्रबार० तीनकुनेमा भएको प्रदर्शनलाई लिएर विभिन्न ८ वटा शीर्षकमा गरेर सो रकमको जरिवाना तोकेको हो ।

महानगरले पूर्वराजा ज्ञानेन्द्र शाहको नाममा पत्र लेख्दै जरिवाना तोकेको छ ।

महानगरको अनुसार हिजो भएको प्रदर्शनमा नेपाल प्रहरीका ५३ जना र सशस्त्र प्रहरीका २४ जना घाइते भएका छन् ।

यस्तै ३५ जना प्रदर्शनकारी घाइते भएका छन् । एक जना पत्रकार र एक जना प्रदर्शनकारीको ज्यान गएको छ ।

सात वटा सरकारी र नौ वटा नीजि गाडीमा क्षति पुगेको छ । १४ ठाउँमा आगजनी, आठ ठाउँमा तोडफोड र एक ठाउँमा लुटपाट भएको छ ।