काठमाडौं ।
कानून, न्याय तथा मानव अधिकार समितिले चैत्र १५ गते काठमाडौंको तीनकुनेमा राजावादीहरुले प्रदर्शनका क्रममा नेपाली नागरिक दुई जनाको मृत्यु भएको भन्दै घटनाको बारेमा जानकारी लिन गृहमन्त्री रमेश लेखकलाई बोलाउने निर्णय भएको सभापति बिमला सुबेदीले बताइन् ।
समितिको आगामी बैठकमा उक्त घटनाबारे थप छलफल गर्ने पनि उनले जानकारी गराइन् ।
कानून, न्याय तथा मानव अधिकार समितिले केही नेपाल ऐनलाई संशोधन गर्न बनेको विधेयक, २०८० सम्बन्धी समितिको मस्यौदा प्रतिवेदन, २०८१ लाई सामान्य संशोधनसहित समितिको प्रतिवेदनको रुपमा सर्वसम्मतिले पारित गरेको छ ।
बिहीवार सिंहदरबारमा बसेको प्रतिनिधि सभा अन्तर्गतको कानून, न्याय तथा मानव अधिकार समितिले समितिको मस्यौदा प्रतिवेदन, २०८१ लाई सामान्य संशोधनसहित समितिको प्रतिवेदनको रुपमा सर्वसम्मतिले पारित गरेको हो ।
प्रकाशित मिति २०८१ चैत २० गते बिहीबार ०४:३०
