नेपाली रेलमा काम गर्ने हाे ? खुल्याे २९ पदमा १२९ जनालाई राेजगारी

नेपाल सरकारकाे पूर्ण स्वामित्वमा रहेकाे नेपाल रेल्वे कम्पनीले रेल सञ्चालनका लागि २९ विभिन्न पदमा १२९ जनालाई करारमा भर्ना गर्ने भएकाे छ ।

जनकपुर-जयनगर खण्डमा दसैंअघि नै सेवा सञ्चालन गर्ने तयारी स्वरूप भर्ना प्रक्रिया शुरू भएकाे रेल विभागले जनाएकाे छ । अधिकृत स्तर तहकाे हकमा २१ वर्ष पुरा गरेकाे र सहायक स्तर तहकाे हकमा १८ वर्ष पुरा गरेकाे तर ३५ वर्ष ननाघेकाे र महिलाकाे हकमा ४० वर्ष ननाघेकाे नेपाली नागरिकले यसमा काम गर्ने अवसर प्राप्त गर्नेछन् ।

करार अवधि भने बढिमा ६ महिनाकाे हुने र लाेक सेवा आयाेगले स्थायी नियुक्ती गरेमा जुन सुकै बेला पनि करार सकिने बताइएकाे छ । कम्पनीका अनुसार अधिकृतस्तरका कर्मचारीका लागि १ हजार र सहायक तहका कर्मचारीका लागि ४ सय रुपैयाँ आवेदन दस्तुर तोकिएको छ।

यसमा आवेदन दिन १५ दिनभित्र कम्पनीकाे वेभसाइट https://nepalrailway.org/ मा राखिएकाे अनलाइन फारम भर्नुपर्ने कम्पनीले जनाएकाे छ ।