कास्कीमा फेरि थपियाे निशेधाज्ञा, निजी सवारी जाेरविजाेर चल्न पाउने

पाेखरा । कास्की जिल्लामा फेरि निषेधाज्ञा थप भएकाे छ । जिल्ला प्रशासन कार्यालय कास्कीले आइतबार साँझ जारी गरेकाे आदेशमा असार ७ गते राती १२ : ०० बजेदेखि असार १८ गते राति १२ : ०० बजेसम्म निषेधाज्ञा थप भएकाे उल्लेख छ ।

हाल जारी निशेधाज्ञामा निजी दुइपांग्रे तथा चारपांग्रे सवारी साधनलाइ जाेर विजाेर प्रणालीमा सञ्चालनकाे अनुमति प्रदान गरिएकाे छ । पूर्ण स्वास्थ्य मापदण्ड पुरा गरि बढीमा चालकसहित ४ जनासम्म चारपांग्रे सवारी जाेर विजाेर रूपमा चलाउनसकिने आदेशमा उल्लेख गरिएकाे छ । सार्वजनिक सवारी साधनलाइ भने यस पटकपनि सञ्चालन अनुमति छैन ।

दैनिक उपभोग्य सामान विक्री वितरण गर्ने खाद्यन्न पसल  विहान ५ बजेदखी मध्यान्न १२ बजेसम्म खोल्न पाइने छ । अत्यावश्यक बाहेकका सरकारी कार्यालयहरू सञ्चालन हुनेछैनन् ।

हेर्नुहाेस जिल्ला प्रशासन कार्यालय कास्कीद्वारा जारी आदेश