पोखराको चिप्लेढुंगाबाट लागु औषधसहित गगनगौंडाका थापा पक्राउ

पाेखरा । कास्की प्रहरीले लागु औषध सहित एक युवकलाई पक्राउ गरेको छ।

सोमबार पोखराको चिप्लेढुंगामा शंकास्पद रुपमा हिंडिरहेको अवस्थामा पोखरा -२१ गगनगौंडा बस्ने २२ वर्षीय जिवन थापालाई ड्युटीमा रहेको प्रहरीको टोलीले लागु औषध सहित पक्राउ गरेको प्रहरी नायव उपरीक्षक श्रवण कुमार विकले जानकारी दिए।

प्रहरीले उनको साथबाट नुर्फिन ४ एम्पुल, फेनारगन ४ एम्पुल र डाईजेपाम ४ एम्पुल गरी १२ एम्पुल लागु औषध वरामद गरेको छ।

पक्राउ परेका उनी विरुद्ध लागु औषध सम्बन्धी कसुर अन्तर्गत अनुसन्धान शुरु गरिने प्रहरीले जनाएको छ।