लिबियाको त्रिपोलीमा झडप हुँदा ६ जनाको मृत्यु

लिबियाको राजधानी त्रिपोलीमा भएको हिंसात्मक झडपमा ६ जनाको मृत्यु भएको आपतकालीन चिकित्सा सेवाले जनाएको छ ।

स्थिति तुलनात्मक रूपमा स्थिर भएपछि आपतकालीन चिकित्सा तथा सहयोग केन्द्रको रिकभरी युनिटले अबु सलिम जिल्ला (दक्षिणी त्रिपोली) वरपरको झडपका क्षेत्रहरूबाट ६ जनाको शव बरामद गरेको बताए । आन्तरिक मन्त्रालयले पुष्टि गरेको छ कि त्रिपोलीमा सुरक्षा अवस्था सुरक्षित र स्थिर रहेको बताइएको छ । प्रेसिडेन्सी काउन्सिलसँग संवद्ध स्थिरता समर्थन विभागको प्रमुख अब्दुल–घानी अल–किकलीको मृत्युको रिपोर्टको बीचमा सोमबार लिबियाको राजधानी त्रिपोलीमा प्रतिद्वन्द्वी सशस्त्र गुटहरू बीच हिंसात्मक झडपहरू भएका थिए । अल–किकलीको मृत्युको बारेमा रिपोर्टहरू दक्षिणी त्रिपोलीका केही भागका बासिन्दाहरूसँग मिल्दोजुल्दो छ । जसले भारी हतियारहरू सहितको तीव्र गोलीबारीको आवाज सुनेको पुष्टि गरेका छन् ।

सन् २०११ मा दिवंगत नेता मुअम्मर गद्दाफीको पतनपछि, लिबिया असुरक्षा र राजनीतिक अस्थिरताले ग्रस्त छ ।