पाेखराबाट रेष्टुरेन्टमा यौन व्यवसाय सञ्चालन गर्ने सञ्चालकसहित ३ जना पक्राउ

पाेखरा ।

पोखरामा रेष्टुरेन्टमा यौन व्यवसाय सञ्चालन गरेको आरोपमा प्रहरीले तीन जनालाई पक्राउ गरेको छ ।

पक्राउ पर्नेहरुमा पोखराको सिर्जना चोकमा मनिका रेष्टुरेन्ट सञ्चालन गर्ने ४० वर्षीय पदम लुङ्बा, पोखरा मालेपाटनका ५१ वर्षीय तेज नारायण तिमिल्सिना र तनुहँको व्यास नगरपालिका–५ का २१ वर्षीय सलन गुरुङ छन् । तेजनारायण र सलन भने ग्राहककाे खाेजीमा रेष्टुरेन्टमा रहेकाे अवस्थामा पक्राउ परेकाे प्रहरीले जनाएकाे छ ।

रेष्टुरेन्टबाट प्रहरीले पाँच महिलाकाे उद्धार समेत गरेको छ ।

पक्राउ परेकाहरुविरुद्ध कास्की जिल्ला अदालतबाट मानव बेचबिखनसम्बन्धी कसुरमा ६ दिनको म्याद लिएर अनुसन्धान अघि बढाइएको जिल्ला प्रहरी कार्यालय कास्कीले जनाएको छ ।