तनहुँमा भीरबाट लडेर दुई जनाको मृत्यु

तनहुँ ।

तनहुँमा घाँस काट्ने क्रममा भीरबाट लडेर दुई जनाको मृत्यु भएको छ ।

ऋषिङ गाउँपालिका– ३ सोलुङ स्थित कटोर्के सामुदायिक वनको भीरबाट लडेर २ जना महिलाको मृत्यु भएको प्रहरीले जनाएको छ ।

मृत्यु हुनेमा ऋषिङ गाउँपालिका– ३ की ६२ वर्षीया श्रीमाया राना र देवघाट गाउँपालिका– २ की २६ वर्षीया खिमसरा मगर रहेको जिल्ला प्रहरी कार्यालय तनहुँका सूचना अधिकारी प्रहरी नायब उपरीक्षक अशोक थापाले जानकारी दिए ।

सोमबार बिहान घाँस काट्न गएका दुवैजना अबेरसम्म पनि नफर्किए पछि खोज्ने क्रममा दुवै मृत फेला परेको प्रहरीले जनाएको छ ।

घटनाबारे थप अनुसन्धान भइरहेको प्रहरीले जनाएको छ ।