पछिल्लाे २४ घण्टामा थप ३५२ जना संक्रमणमुक्त
पाेखरा। बिहीबार गण्डकीमा थप २६९ जनामा कोरोना संक्रमण पुष्टि भएको छ । याे अवधीमा थप पाँच जनाको मृत्यु भएको प्रदेश स्वास्थ्य निर्देशनालय गण्डकीले जनाएकाे छ । आज मृत्यु पुष्टी हुनेहरूमा कास्कीका चार जना र पर्वतका एक जना रहेका छन् । याेसंगै गण्डकीमा कोरोना संक्रमणका कारण ज्यान गुमाउनेको संख्या ९८१ पुगेको निर्देशनालयद्वारा जारी विज्ञप्तीमा उल्लेख छ ।
पछिल्लो २४ घण्टामा गण्डकीका १ हजार १४१ जनामा गरिएको नमुना परीक्षणबाट २६९ जनामा कोरोना पोजेटिभ आएको हो।
आज संक्रमण पुष्टि हुनेमा प्रदेशका आठ जिल्लाका छन् । जसअन्तर्गत कास्कीका ८६ जना, तनहुँका नौ जना, गोरखाका ३३ जना, लमजुङका ३२ जना, नवलपुरका ४८ जना र स्याङ्गजाका ४५ जनामा कोरोना पुष्टि भएको छ ।
यस्तै, पर्वतका पाँच जना र म्याग्दी जिल्लाका ११ जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।
आज थपिएकासंगै गण्डकीमा कोरोना संक्रमितको कूल संख्या ५८ हजार ३४८ पुगेको छ । पछिल्लो २४ घण्टामा गण्डकीबाट ३५२ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५४ हजार २०४ पुगेको छ।
प्रकाशित मिति २०७८ असार २४ गते बिहीबार ०५:३८
