टिपरको ठक्करबाट पोखरामा एक महिलाको मृत्यु

पाेखरा । टिपरको ठक्करबाट पोखरामा एक महिलाको मृत्यु भएको छ ।

मृत्यु हुनेमा स्याङ्गजा जिल्ला बिरुवा गाउँपालिका वडा नं -४ घर भइ हाल पोखरा -१७ बिरौटा बस्दै आएकी ४० वर्षीया रिता केसी रहेको प्रहरी नायव उपरीक्षक श्रवण कुमार विकले जानकारी दिए।

विकका अनुसार बिहीबार राति अन्दाजी ७:३५ बजेको समयमा पोखरा -५ गणतन्त्रचोक स्थित  ग १ ख ९७०३ नंवरको टिपरले पैदल हिंडिरहेका बेला रितालाई ठक्कर दिएको थियो । टिपरको ठक्करबाट गम्भिर घाइते भएकी उनलाई तत्काल उपचारका अस्पताल लगिएकोमा आज बिहान ६: ३० बजेको समयमा उपचारकै क्रममा ज्यान गएको हो ।

ठक्कर दिने टिपर र चालकलाई प्रहरीले नियन्त्रणमा लिएको छ भने, घटनाका सम्बन्धमा आवश्यक अनुसन्धान शुरु गरिरहेको प्रहरीको भनाई छ।