माधव नेपालसहित १४ सांसदकाे पद खारेज गर्ने एमालेकाे निर्णय

पाेखरा । नेकपा एमालेले माधव कुमार नेपालसहित १४ सांसदको पद खारेज गरेको छ । १४ सांसदको पद खारेजीको माग गर्दै संसद् सचिवालयमा एमालेले मंगलबार पत्र दर्ता गरेको हो ।

कारवाही गरिएका सांसदहरुमा माधवकुमार नेपाल, जीवनराम श्रेष्ठ, मुकुन्द न्यौपाने, रामकुमारी झाँक्री, कल्याणीकुमारी खड्का, लक्ष्मी चौधरी, निरादेवी जैरु, पुष्पकुमारी कर्ण, सरलाकुमारी यादव, कलिला खातुन, विरोध खतिवडा, कृष्णलाल महर्जन, भवानी खापुङ र मेटमणि चौधरी छन् ।

सरकारले दल विभाजनसम्वन्धी अध्यादेश ल्याएसँगै राजनीतिक दलहरूमा नयाँ शिराबाट छलफल शुरू भएकाे छ । यसअघि एमालेले केन्द्रीय कमिटी थप गरेर विवरण  अध्यावधिकका लागि निर्वाचन आयोगमा नामावली पठाएको थियाे । माधव नेपाल पक्षले भने एकलाैटी गरिएका निर्णय तत्काल फिर्ता लिन अनुराेध गरेकाे छ ।