पाेखरामा लागु औषधसहित एक व्यक्ति पक्राउ

पाेखरा । पोखराको उत्तम मार्गबाट अवैध लागु औषधसहित एक व्यक्ति पक्राउ परेका छन्।

बिहीबार साँझ उत्तम मार्गमा शंकास्पद अवस्थामा हिंडिरहेका स्याङ्गजा जिल्ला आँधिखोला गाउँपालिका वडा नं -२ घर भइ हाल पोखरा महानगरपालिका -१७ बिरौटा बस्ने ३२ वर्षीय ‘हाउडे’ भन्ने शुसिल क्षेत्रीलाई पक्राउ गरेको प्रहरी वरिष्ठ उपरीक्षक मोहन प्रसाद पोखरेलले जानकारी दिए।

प्रहरीले उनको साथबाट नुर्फिन १० एम्पुल, फेनेरागन १० एम्पुल र डाइजेपाम ११ एम्पुल गरी जम्मा ३१ एम्पुल लागु औषध वरामद गरेको छ।

हाल प्रहरी नियन्त्रणमा रहेका उनीमाथि आवश्यक अनुसन्धान गरिरहेको प्रहरीले जनाएको छ।