पर्वतमा पहिराेले पुरिएर एक जनाकाे ज्यान गयाे

पाेखरा । पहिरोमा पुरिएर पर्वतमा एक व्यक्तिको मृत्यु भएको छ।

जिल्लाको जलजला गाउँपालिका वडा नं -३ स्थित कालीपुलस्थित रारा अटो मोवाइल एण्ड हरी अटो पार्टस ग्यारेजमा बिहीबार साँझ गएको पहिरोमा पुरिएर ग १ ज ६६३२ नंवरका जिपका चालक म्याग्दी जिल्ला अन्नपूर्ण गाउँपालिका वडा नं -८ बस्ने ३८ वर्षीय टेकमान गुभाजुको मृत्यु भएको हो।

पहिरोमा परी सोही ग्यारेजमा काम गरिरहेका भारतको बिहार घर भएका १८ वर्षीय तुला अन्सारी र धनुषा जिल्ला औरही निवासी ३५ वर्षीय राजिव ठाकुर घाइते भएका छन्।

उनीहरुलाई उपचारका लागि जिल्ला अस्पताल म्याग्दी पठाइएको प्रहरीले जानकारी दिएको छ ।