२ हजार ६ सय भन्दा बढी अफगान शरणार्थी परिवार घर फर्किए

एजेन्सी ।

२ हजार ६ सय भन्दा बढी अफगान शरणार्थी परिवारहरू घर फर्किएका छन् । जसमध्ये अधिकांश इरानबाट रहेका छन् । सरकारी स्वामित्वको मिडिया आउटलेटका अनुसार कुल २ हजार ६ सय ४ अफगान शरणार्थी परिवारहरू अफगानिस्तान फर्किएका छन् । जसमध्ये ९८ परिवार छिमेकी पाकिस्तानबाट आएका थिए भने २ हजार ५ सय ६ परिवार इरानबाट फर्किएका हुन् ।

आधिकारिक समाचार एजेन्सीले आफ्नो रिपोर्टमा भनेको छ कि सबै फर्केकाहरूले क्रसिङ पोइन्टहरूमा अफगान अन्तरिम सरकारबाट आवश्यक सहयोग प्राप्त गरेका छन् ।