सुनसरीमा भिनाजुले गरे सालीको गोली हानी हत्या

पोखरा ।

सुनसरीको हरिनगर गाउँपालिका– ६ मा गोली प्रहार गरी १८ वर्षीय एक किशोरीको हत्या भएको छ ।

हरिनगर गाउँपालिका– ६ घुस्कीमा आइतबार गएराति करिब २ बजे उनकै भिनाजुले गोली प्रहार गरी अर्सी खातुनको हत्या गरेका हुन् ।

भिनाजु आजात मियाँले गएराति २ बजे साली अर्चना खातुनको गोली हानी हत्या गरेको जिल्ला प्रहरी कार्यालय सुनसरीले जनाकारी दिएको छ ।

गोली हान्नुको कारण भने नखुलेको जिल्ला प्रहरी कार्यालय सुनसरीले जनाएको छ । घरमा मृतक खातुन र उनकी बहिनी मात्रै बस्दै आएका थिए ।

भारतको अररीया जिल्ला घर भएका भिनाजु राति राति आउने गरेको र हिजो पनि राति आएर गोली प्रहार गरेको छिमेकीलाई उदृत गर्दै सुनसरी प्रहरीले जनाएको छ ।

हत्यामा संलग्न आजात आपराधिक पृष्ठभूमिको रहेको देखिएको छ ।

यस अघि उनी चोरी कार्यमा संलग्न रहेको प्रहरीको भनाइ छ । घटनाको विषयमा थप अनुसन्धान भइरहेको छ ।

घटनास्थल भारतीय सीमा क्षेत्र नजिकै पर्छ ।