इराकको हाइपरमार्केटमा आगलागीः ६१ जनाको मृत्यु

एजेन्सी\सिन्ह्वा ।

इराकको वासित प्रान्तको राजधानी कुटमा रहेको एक हाइपरमार्केटमा भएको आगलागीमा मृत्यु हुनेको संख्या ६१ पुगेको छ ।

गृह मन्त्रालयको एक विज्ञप्तिअनुसार बुधबार राति एउटा रेस्टुरेन्ट र हाइपरमार्केट रहेको पाँच तले व्यावसायिक भवनमा ठूलो आगलागी भएको थियो ।

६१ जना पीडितमध्ये धेरैजसोको मृत्यु भारी धुवाँको कारणले निसास्सिएर भएको हो ।

तीमध्ये १४ जनाको पहिचान नभएका जलेका शवहरू छन् ।

आगो नियन्त्रणमा ल्याइएको र नागरिक रक्षा टोलीहरूले भवन भित्र फसेका ४५ भन्दा बढी मानिसहरूलाई उद्धार गर्न सफल भएको बताइएको छ ।

यो भवन सात दिनअघि मात्रै खुलेको थियो ।