काेराेनाले बुधबार थप ४४ जनाकाे ज्यान गयाे

पाेखरा । कोरोनाभाइरस संक्रमणबाट पछिल्लाे २४ घण्टामा देशभर थप ४४ जनाको मृत्यु भएको छ ।

बितेको २४ घण्टा र नेपाली सेनाले केही दिनको बीचमा शव व्यवस्थापन गरेको विवरणसमेत गरेर थप ४४ जनाले कोरोनाबाट ज्यान गुमाएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा १५ हजार २९० परीक्षण भएकामा २ हजार ४८२ जनामा संक्रमण पुष्टि भएको छ ।

यस्तै १ हजार ७८१ जना निको भएका छन् ।