पाेखरामा टिपरकाे ढालाले च्यापिएर एकजनाकाे निधन

पाेखरा । टिपरको ढालामा च्यापिएर पोखरामा एक युवकको मृत्यु भएको छ।

बुधबार साँझ पोखरा महानगरपालिका -१४ खाल्टे मसिनास्थित सडकमा ग २ ख २२४ नंवरको टिपरको ढालामा च्पापिएर सामान लोड अनलोडको काम गर्ने एक युवकको मृत्यु भएको प्रहरीले जनाएको छ।

मृत्यु हुनेमा सिन्धुली जिल्ला दुधौली नगरपालिका वडा नं -५ घर भइ हाल पोखरा -१५ बस्दै आएका २८ वर्षीय अजय रोका रहेका छन्।

प्रहरीका अनुसार ढालाले च्यापिएर गम्भिर घाइते भएका रोकालाई तत्काल उपचारका लागि पश्चिमान्चल सामुदायिक अस्पताल पृथ्बीचोक लगिएकोमा उनको उपचारका क्रममा मृत्यु भएको हो।

घटनाको जानकारी लगत्तै खटिएको प्रहरीको टोलीले टिपर र टिपरका चालकलाई नियन्त्रणमा लिएर थप अनुसन्धान गरिरहेको जनाएको छ।