ब्राजिलले आफूमाथिको आर्थिक प्रतिवन्धको विरोध गर्ने

एजेन्सी\सिन्ह्वा ।

ब्राजिलले अन्य देशहरूसँगको व्यापारिक सम्बन्धका कारण आफूमाथि लगाइएको आर्थिक प्रतिवन्धको विरोध गर्ने बताएको छ ।

ब्राजिलका राष्ट्रपतिका सल्लाहकार सेल्सो अमोरिमले संयुक्त राष्ट्र सुरक्षा परिषद्ले अधिकृत गरेको बाहेक कुनैपनि अवस्थामा आर्थिक प्रतिवन्धको विरुद्धमा रहेको बताएका हुन् ।

अमोरिमले ब्राजिलले रूसबाट तेल आयात गर्न बन्द गर्ने अमेरिकी मागको जवाफमा सीएनएन ब्राजिललाई यसबारे जानकारी गराएको अन्तर्राष्ट्रिय समाचार संस्था सिन्ह्वाले जनाएको छ ।

अमोरिमले ब्राजिलले कर सम्झौतामा पुग्नको लागि आफ्नो ऊर्जा नीतिमा अमेरिकी शर्तहरू स्वीकार नगर्ने र भूराजनीतिक उद्देश्यका लागि आर्थिक लाभको प्रयोगको विरोध गर्ने बताए ।