गाजामा इजरायली आक्रमणः २४ प्यालेस्टिनीको मृत्यु

एजेन्सी ।

गाजा सिभिल डिफेन्सका अनुसार गाजामा इजरायली आक्रमणमा २४ प्यालेस्टिनीको मृत्यु भएको छ ।

दक्षिणी गाजामा, खान युनिसमा विस्थापित व्यक्तिहरूको बसोवास गर्ने पाल र भेलाहरूलाई लक्षित गरेर इजरायली हवाई आक्रमण भएको थियो । जसमा एक बच्चासहित नौ जनाको मृत्यु भएको नागरिक रक्षाका प्रवक्ता महमूद बसालले बताए । बसालले उत्तरी शेख रदवान छिमेकमा रहेको आवासीय अपार्टमेन्टमा इजरायली हवाई आक्रमणका कारण गाजा शहरमा तीन जनाको मृत्यु भएको खुलासा गरे । शहरको पश्चिममा रहेको शाती शरणार्थी शिविरको अपार्टमेन्टमा इजरायली हवाई आक्रमणमा अन्य तीन जनाको मृत्यु भएको छ ।

इजरायलले मार्च १८ मा गाजामा आफ्नो आक्रमण पुनः शुरु गरेदेखि यता कम्तीमा ९ हजार ७ सय ५२ प्यालेस्टिनीहरू मारिएका छन् । ४० हजार ४ जना घाइते भएका छन् । अक्टोबर २०२३ देखि अहिलेसम्म ६१ हजार २ सय ५८ जनाको मृत्यु भएको छ । १ लाख ५२ हजार ४५ जना घाइते भएको गाजास्थित स्वास्थ्य अधिकारीहरूले बताएका छन् ।