एजेन्सी\सिन्ह्वा ।
वर्षाजन्य विपद्बाट पाकिस्तानभर २४ घण्टामा१ सय ९४ जनाको मृत्यु भएको छ ।
राष्ट्रिय विपद् व्यवस्थापन प्राधिकरण (एनडीएमए) ले यसबारे जानकारी दिएको हो । उत्तरपश्चिमी खैबर पख्तुनख्वा प्रान्त सबैभन्दा बढी प्रभावित भएको छ ।
जसमा १८० जनाको मृत्यु भएको छ ।
त्यसपछि पाकिस्तान नियन्त्रित कश्मीरमा नौ जनाको मृत्यु भएको छ भने उत्तरी गिलगिट–बाल्टिस्तान क्षेत्रमा पाँच जनाको मृत्यु भएको छ ।
अधिकारीहरूले उत्तरी र उत्तरपश्चिमी क्षेत्रहरूमा भारी मनसुनी वर्षाका कारण भएको बाढी, पहिरो र घर भत्किँदा मृत्यु भएको बताएका छन् ।
गिर्बीट सरकारका प्रवक्ता फैजुल्लाह फाराकले अचानक आएको बाढीले सडक, पुल, घर, विद्यालय, पानी ट्यांकी र कृषि जमिनमा पनि क्षति पु¥याएको बताए ।
अधिकारीका अनुसार धेरै व्यक्तिहरू अझै बेपत्ता छन् ।
उद्धार टोलीहरूले चुनौतीपूर्ण अवस्थाको बावजुद खोजी कार्य सञ्चालन गरिरहेका छन् ।
जुनको अन्त्यदेखि, मौसमी वर्षाले पाकिस्तानमा देशभर ५ सय भन्दा बढीको ज्यान लिएको आधिकारिक तथ्यांकले देखाएको छ ।
प्रकाशित मिति २०८२ साउन ३२ गते शनिबार ०९:३२
