एजेन्सी\सिन्ह्वा ।
बंगलादेश मेडिकल युनिभर्सिटीमा बंगलादेशको पहिलो रोबोटिक पुनर्वास केन्द्रको औपचारिक उद्घाटन गरिएको छ ।
बंगलादेशका लागि चिनियाँ राजदुत याओ वेन, बंगलादेशको स्वास्थ्य तथा परिवार कल्याण मन्त्रालयका सल्लाहकार नुरजहाँ बेगम र स्वास्थ्य तथा परिवार कल्याण मन्त्रालयका प्रमुख सल्लाहकारका विशेष सहायक सयदुर रहमान उद्घाटन समारोहमा उपस्थित अतिथिहरूमध्ये थिए ।
स्वास्थ्य सेवा राष्ट्रिय अर्थतन्त्र र जनताको जीविकोपार्जनको लागि महत्त्वपूर्ण रहेको उल्लेख गर्दै बंगलादेशका लागि चिनियाँ राजदुत याओले यो केन्द्रले स्वास्थ्य क्षेत्रमा चीन–बंगलादेश सहयोगमा कोसेढुंगाको रूपमा काम गर्ने बताए ।
चीन स्वास्थ्य सेवामा बंगलादेशसँगको सहकार्यलाई अझ गहिरो बनाउन तयार रहेको उनले बताए ।
अधिकारीहरूले भने कि रोबोटिक केन्द्रले स्ट्रोक, पक्षाघात, स्नायु विकार, दीर्घकालीन दुखाइ, स्नायुमा चोटपटक, जमेको काँध, आघात–सम्बन्धित जटिलताहरू, र गहन पुनर्वास आवश्यक पर्ने अन्य शारीरिक कमजोरीहरूबाट निको हुने बिरामीहरूलाई फाइदा पु¥याउने अपेक्षा गरेका छन् ।
प्रकाशित मिति २०८२ भदौ १६ गते सोमबार ०९:५५
