सनिबार देशभर थप ९ जनाकाे ज्यान गयाे

काठमाडौं । पछिल्लो २४ घण्टामा देशभर थप १ हजार २६८ जनामा कोरोना भाइरस संक्रमण पुष्टि भएको छ । याे अवधिमा देशभर थप ९ जनाले ज्यान गुमाएकाे स्वास्थ्य तथा जनसंख्या मन्त्रालयले जनाएकाे छ ।

स्वास्थ्य तथा जनसंख्या मन्त्रालयका अनुसार ६ हजार ७५३ पीसीआर परीक्षणमा १ हजार २४ जना र ३ हजार १२२ एन्टिजेन परीक्षणमा २४४ जना गरी १ हजार २६८ जनामा संक्रमण पुष्टि भएको हो ।

पछिल्लो २४ घण्टामा २ हजार १९५ जना संक्रमणमुक्त भएका छन् ।

हाल देशभर कोरोना भाइरसको सक्रिय संक्रमितको संख्या ३१ हजार ८२६ रहेको छ । जसमध्ये २९ हजार ६५८ जना होम आइसोलेसनमा र २ हजार १६८ जना संस्थागत आइसोलेसनमा छन् ।