रानीवनमा लागेको डढेलो नियन्त्रणमा

पोखरा ।

पोखराको फेवाताल पारी रहेको रानीवनमा लागेको डढेलो नियन्त्रणमा आएको छ ।

सशस्त्र प्रहरी सहितको टोलीले वनमा लागेको आगो नियन्त्रणमा लिएको लेकसाईडका पर्यटन व्यवसायी नरेश भट्टराईले जानकारी दिए ।

जङ्गलमा आगो लगाउने कार्यले वातावरण, वन्यजन्तु र मानव बस्ती समेत जोखिममा पर्ने भएकाले यस्ता गतिविधि गर्नेहरूलाई कडा कारबाही गर्नुपर्ने उनले बताए ।