कास्कीमा स्कुटर दुर्घटना हुँदा दुईजनाको मृत्यु

पोखरा । कास्कीको अन्नपूर्ण गाउँपालिका–२, ढिकुरपोखरीमा सवारी दुर्घटनामा परेर दुईजनाको मृत्यु भएको छ ।

गए राति करिब १२ बजे सडकछेउमा रोकिराखेको ना७ख ९१२४ नम्बरको ट्रकमा ग२१प ४४६० नम्बरको स्कुटर ठोक्किएको हो ।

दुर्घटनामा स्कुटर चालक अन्नपूर्ण गाउँपालिका–१, नौडाँडाका ३० वर्षीय कृष्ण सुवेदी र पछाडि सवार २८ वर्षीय सुनील केसीको मृत्यु भएको प्रहरीले जनाएको छ । दुर्घटनामा गम्भीर घाइते भएका उनीहरूको उपचारका क्रममा पोखरा स्वास्थ्य विज्ञान प्रतिष्ठानमा मृत्यु भएको हो ।

ट्रक चालकलाई प्रहरीचौकी नौडाँडाले नियन्त्रणमा लिएको छ ।