ग्याङ फाइटमा संलग्न ६ जना पक्राउ

पोखरा ।

पोखरा बाग्लुङ बसपार्क क्षेत्रमा झै–झगडा तथा ग्याङ फाइटमा संलग्न ६ जना पक्राउ परेका छन् । जिल्ला प्रहरी कार्यालय कास्कीले सामाजिक सञ्जालमा सार्वजनिक भएको भिडिओका आधारमा अनुसन्धान गर्दै उनीहरूलाई नियन्त्रणमा लिएको जनाएको हो ।

प्रहरीका अनुसार वैशाख २२ गते राति करिब साढे ९ बजे पोखरा महानगरपालिका–२ स्थित बाग्लुङ बसपार्क क्षेत्रमा झै–झगडा भएको थियो । घटनामा संलग्न व्यक्तिहरूलाई वैशाख २६ गते बागबजार र बसपार्क क्षेत्रबाट पक्राउ गरिएको प्रहरीले जनाएको छ ।

पक्राउ पर्नेमा सुजन आले मगर, राजेश परियार, दिलराम गुरुङ, सुजन तामाङ, राजकुमार तामाङ र लिजा पुन रहेका छन् ।

प्रारम्भिक अनुसन्धानमा लागूऔषध कारोबारको विषयलाई लिएर विवाद भएको खुलेको जिल्ला प्रहरी कार्यालय कास्कीले जनाएको छ ।

घटनाबारे थप अनुसन्धान भइरहेको प्रहरीले जनाएको छ ।