पोखरा ।
अमरसिंह चोक स्थित अमरसिंह माध्यमिक विद्यालयको जग्गामा रहेका व्यवसायिक टहराहरु हटाइएको छ ।
विद्यालयको खेलमैदानको अग्रभाग, पृथ्वी राजमार्गसँग जोडिएको स्थानमा रहेका ५१ वटा व्यवसायीक टहराहरु हटाइएको हो ।
टिनका टहरा बनाई व्यवसाय सञ्चालन गरिरहेका व्यवसायीहरूले पोखरा महानगरपालिकाको रोहबरमा अमरसिंह माध्यमिक विद्यालयसँग समन्वय गरी ती टहराहरू हटाएको महानगरले जानाकारी दिएको छ ।
जग्गा खाली गर्न व्यवसायीहरुलाई जेठ ४ गते सोमबारसम्मको समय प्रदान गरिएको थियो । व्यवसायीहरुले सामान सारेर खाली भएका संरचनाहरू मङ्गलवार महानगरपालिकाले जेसिवी प्रयोग गरी हटाएको हो ।
टहराहरू हटाएर शहरी सौन्दर्यीकरणको अभियानमा साथ दिएको भन्दै उनीहरुलाई नगर प्रमुख धनराज आचार्यले धन्यवाद् दिएका छन् ।
लामो समयदेखि व्यवसाय सञ्चालन गर्दै आइरहेका व्यवसायीहरूलाई पुनस्र्थापना गर्ने सम्बन्धमा विद्यालयसँग आवश्यक छलफल तथा समन्वय गरिने नगर प्रमुख आचार्यको भनाई छ ।
भत्काउनु अघि अमरसिंह माध्यमिक विद्यालयको जग्गामा रहेका व्यवसायिक टहराहरुको दृश्य तस्बिर: पोखरा महानगरपालिका
