चन्द्रागिरिमा ३० वर्षीय युवकको शव फेला

काठमाडौँ । काठमाडौँको चन्द्रागिरिमा युवकको शव फेला परेको छ ।

बिहीबार बिहान चन्द्रागिरि नगरपालिका–४ स्थित चित्लाङ जाने सडकमा ३० वर्षीय सुजन लामाको शव भेटिएको प्रहरीले जनाएको छ ।

महानगरीय प्रहरी परिसर काठमाडौँ, अपराध महाशाखाको टोली घटनास्थलमा पुगेको छ । शवको फोरेन्सिक जाँचका कारण चिकित्सकको टोली पनि घटनास्थल पुगेको छ ।

घटनाबारे अनुसन्धान गरिरहेको प्रहरीले जनाएको छ ।