युवतीलाई लागु औषध सेवन गराई जबर्जस्ती करणी गर्ने युवक पक्राउ

काठमाडौं । २० वर्षीया युवतीलाई जबर्जस्ती करणी गरेको अभियोगमा प्रहरीले एक जनालाई पक्राउ गरेको छ। पक्राउ पर्नेमा बुढानिलकण्ठ नगरपालिका-५ बिष्णुमती डेरा गरी बस्ने मोरङ विराटचोक घर भएका २८ वर्षीय बिनोद भण्डारी रहेका छन्।

प्रहरीका अनुसार भण्डारीले बूढानीलकण्ठ नगरपालिका-२ बाडेपाखास्थित खाली चौरमा युवतीलाई लागु औषध सेवन गराई बिहीबार साँझ पटक-पटक जबरजस्ती करणी गरेको भन्ने सूचनाका आधारमा महानगरीय प्रहरी प्रभाग बुढानिलकण्ठबाट खटिएको प्रहरीले उनलाई पक्राउ गरेको हो ।

पक्राउ परेका उनीमाथि थप अनुसन्धान भइरहेको प्रहरीले जनाएको छ ।