पोखरा ।
हुन्डाईको नयाँ भेन्यु कम्प्याक्ट एसयूभी पोखरामा उपलब्ध भएको छ।
पोखरा तथा आसपासका ग्राहकले अब नयाँ भेन्यु प्रत्यक्ष हेर्न र खरिद गर्न सक्नेछन्। नेपाली बजारमा यसको सुरुवाती मूल्य ४८ लाख ९६ हजार रुपैयाँ तोकिएको छ। हुन्डाईका अनुसार नयाँ भेन्यु तीन भेरियन्टमा उपलब्ध छ। एचएक्स २ मा १ हजार १९७ सीसी पेट्रोल इन्जिन, एचएक्स ५ प्लसमा १ हजार १९७ सीसी पेट्रोल इन्जिन र एचएक्स ५ डीसीटीमा ९९८ सीसी पेट्रोल इन्जिन दिइएको छ।
पोखरामा आएको नयाँ भेन्युमा बोल्ड डिजाइनसँगै आराम, प्रविधि र कार्यक्षमतामा केन्द्रित सुविधा राखिएको कम्पनीले जनाएको छ। गाडीको अगाडिको भागमा ट्विन हर्न एलईडी डीआरएल र डार्क क्रोम ग्रिल राखिएको छ। गाडीको पछाडिको भागमा होराइजन एलईडी रियर कम्बिनेसन ल्याम्प राखिएको छ। सिग्नेचर सी–पिलर गार्निसले यसको बाहिरी डिजाइनलाई थप फरक बनाएको छ।
नयाँ भेन्युको भित्री भागमा १० दशमलव २५ इन्चको सीसीएनसी इन्फोटेनमेन्ट प्रणाली राखिएको छ। यसमा वायरलेस एप्पल कारप्ले र एन्ड्रोइड अटोको सुविधा छ। गाडीमा डिजिटल क्लस्टर पनि उपलब्ध छ। पावर्ड टिल्ट एन्ड स्लाइड सनरुफसमेत राखिएको छ।
नयाँ भेन्युमा दुई इन्जिन विकल्प दिइएको छ। केप्पा १ दशमलव २ लिटर एमपीआई पेट्रोल इन्जिन र केप्पा १ दशमलव ० लिटर टर्बो जीडीआई पेट्रोल इन्जिन उपलब्ध छन्। १ दशमलव २ लिटर इन्जिन दैनिक यात्राका लागि प्रयोग गर्न सकिने विकल्पका रूपमा राखिएको छ। १ दशमलव ० लिटर टर्बो जीडीआई इन्जिनले टर्बो प्रदर्शनको विकल्प दिन्छ।
सुरक्षातर्फ नयाँ भेन्युमा ६ वटा एयरब्याग राखिएको छ। एबीएससँगै ईबीडीको सुविधा पनि छ। गाडीमा इलेक्ट्रोनिक स्टेबिलिटी कन्ट्रोल, भेहिकल स्टेबिलिटी म्यानेजमेन्ट र हिल–स्टार्ट असिस्ट कन्ट्रोलको सुविधा पनि दिइएको छ। यी सुविधाले गाडीको सुरक्षा प्रणालीलाई थप व्यवस्थित बनाउने कम्पनीको विवरणमा उल्लेख छ। नयाँ भेन्युको तीनवटै भेरियन्ट फरक इन्जिन तथा गियरबक्स संयोजनमा उपलब्ध छन्। एचएक्स २ र एचएक्स ५ प्लसमा १ हजार १९७ सीसी पेट्रोल इन्जिन राखिएको छ। एचएक्स ५ डीसीटीमा ९९८ सीसी पेट्रोल इन्जिन दिइएको छ।
हुन्डाईको नयाँ भेन्यु अब पोखरास्थित हुन्डाई सोरुममा उपलब्ध छ। ग्राहकले सोरुममा पुगेर गाडीको डिजाइन, भित्री सुविधा, प्रविधि र इन्जिन विकल्पबारे जानकारी लिन सक्नेछन्।
पोखरामा भेन्युको उपलब्धतासँगै यहाँका ग्राहकले हुन्डाईको नयाँ कम्प्याक्ट एसयूभी खरिदका लागि सोरुमबाटै जानकारी र विकल्प पाउने भएका छन्। कम्पनीले नयाँ भेन्युलाई फरक ग्राहक आवश्यकता र रुचिअनुसार तीन भेरियन्टमा उपलब्ध गराएको जनाएको छ।
प्रकाशित मिति २०८३ असोज ७ गते बुधबार ०७:४२
