चुनावमा पाँच दलको अग्नी परीक्षा हुन्छ : नेपाल

पोखरा

नेकपा एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपालले आगमी मंसिर ४ गतेको चुनाव पाँच दलका लागि अग्नी परीक्षा भएको बताएका छन् ।

पाँच दलीय गठबन्धनले आज पोखरामा आयोजना गरेको कार्यकर्ता भेलामालाई सम्बोधन गर्दै उनले गठबन्धनका उम्मेदवारलाई जिताउन सबै इमानदार हुनुपर्ने बताए । ‘इमानदारिताका साथ गठबन्धनका उम्मेदवारलाई जिताउन चुनावी प्रचारमा लाग्नुस्,’ उनले पाँच दलीय प्रदेश स्तरीय कार्यकर्तालाई भने, ‘अग्नी परीक्षा हुन्छ, महायज्ञमा हाम फाल्नुस्।’

नेपालले सत्तामा पुग्नको लागि मात्र गठबन्धन नगरिएको बताइँदै पाँच दलको साझा उद्देश्य जनताको सेवा गर्ने, उत्पादन वृद्धि र स्वदेशमा राजगारी सिर्जना गर्दै विकास र समृद्धिलाई अगाडि बढाउने भएको बताए ।
सिद्धान्तका कुरा गर्ने धेरै भए पनि त्यसलाई व्यवहारमा पालना गर्ने अवस्था देशमा नदेखिएको उनको भनाइ थियो ।