अध्यक्षको राजीनामा मागेपछि पोखरामा बसिरहेको क्रिकेट संघको बैठक सुरु नै हुन सकेन

पोखरा

क्रिकेट संघका अध्यक्षको ७ केन्द्रीय सदस्यले राजीनामा माग गरेपछि पोखरामा बसिरहेको बोर्ड बैठक सुरु हुन सकेको छैन ।

बैठकको सुरुमै ७ जनाको तर्फबाट ७ जनाको तर्फबाट ऋषिराम गौतमले अध्यक्ष चन्दलाई लिखित पत्र नै बुझाएका हुन् ।

‘हामीले अध्यक्षज्युको राजीनामा माग गरेका छौं । त्यसैमा अधीन छौं । अहिले बैठक रोकिएको छ, सुरु हुन सकेको छैन’, अध्यक्षको राजीनामा माग गरेका मध्येका एक केन्द्रीय सदस्यले भने ।

नेपाल टी–२० लिग स्पट फिक्सिङमा मुछिएपछि उनीहरुले अध्यक्षको राजीानामा माग गरेका हुन् ।

बैठक मंगलबार दिउँसो १२ बजेदेखि लेकसाइडस्थित होटल एल्लो प्यागोडामा भइरहेको छ । असन्तुष्ट पक्षले आज साझ ५ बजे पत्रकार सम्मेलन गर्दैछ ।