चैत २७ गते फाइनल
पोखरा
बलियो नेपाल कप यू–१९ किक्रेट प्रतियोगिता हुने भएको छ । बलियो नेपाल पोषण अभियानको आयोजनामा बुधबारदेखि पोखरा रंगशालामा प्रतियोगिता हुँदैछ ।
लिग कम नकआउटको आधारमा टि–२० फर्मयाटको प्रतिस्पर्धामा ६ समूहले प्रतिस्पर्धा गर्ने बलियो नेपाल पोषण अभियानको वित्त तथा प्रशासन व्यवस्थापक प्रकाश बख्रेलले जानकारी दिए । उनका अनुसार इलाम, कर्णाली, स्टार, जनकपुर र पोखरा क्रिकेट एकेडेमीसँगै पल्सर क्रिकेट एक्सीलेन्स सेन्टरले प्रतिस्पर्धा गर्नेछन् ।
उद्घाटन खेलमा पल्सर क्रिकेट एक्सीलेन्स सेन्टर र कर्णाली क्रिकेट एकेडेमीले प्रतिस्पर्धा गर्नेछन् । चैत २७ गते फाइनल हुनेछ ।
प्रतियोगिताको विजेताले ५० हजार रुपैयाँ र उविजेताले २५ हजार हजार रुपैयाँ प्राप्त गर्नेछन् । इमर्जिङ प्लेयरले ५ हजार रुपैयाँ, बेस्ट बलर र बेस्ट ब्याट्समेनले ७/७ हजार रुपैयाँ र प्लेयर अफ दि सिरीजले १० हजार रुपैयाँ पुरस्कार पाउनेछन् । हरेक खेलमा म्यान अफ दि म्याचले २ हजार ५०० रुपैयाँ प्राप्त गर्नेछन् ।
ग्रास किक्रेटको विकास गर्नलाई प्रतियोगिता आयोजना गरेको छुम्बी लामाले बताए । ‘केही वर्षपछि टेस्ट नेशन खेल्छ भन्ने उदेश्य छ । बलियो नेपालले खेलाडीहरु उत्पादन गर्दैछौं’, उनले भने ।
यो तेस्रो संस्करणको प्रतियोगिता हो । अघिल्लो वर्ष लुम्बिनी प्रदेशका १२ जिल्लाको सहभागितामा पहिलो संस्करण भएको थियो । दोस्रो संस्करण यही वर्षको असारमा काठामाडौंमा भएको थियो । दोस्रो संस्करणमा पाँच प्रदेशका टिमले प्रतिस्पर्धा गरेका थिए ।
प्रकाशित मिति २०७९ चैत २१ गते मंगलबार ०४:२०
