पोखरा
नेपालले आफ्नो क्रिकेट इतिहासमा पहिलो पटक विश्व वरियताको नम्बर वान टोलीसँग खेल्ने भएको छ ।
आगामी बुधबार सुरु हुने एसिया कपमा नेपालले पाकिस्तान र भारतसँग खेल्दैछ । पाकिस्तान वर्तमान समयमा आइसिसी ओडिआई वरियतामा शीर्ष स्थानमा छ । नेपालले बुधबार मुल्तान रंगशालामा पाकिस्तानसँग खेल्नेछ ।
नेपाली क्रिकेट इतिहासमा पहिलो पटक कुनैपनि वरियता शीर्ष टोलीसँग खेल्न लागेको हो । नेपालले भदौ १८ मा भारतसँग खेल्नेछ । भारतसँगको खेल श्रीलंकाको क्यान्डिमा हुनेछ ।
भारत विश्व ओडिआई वरियतामा तेस्रो स्थानमा छ ।
नेपाल आइसिसीको ओडिआई विश्व वरियतामा १५ औं स्थानमा छ । यसअघि नेपालले वरियताको आधारमा सबैभन्दा माथि रहेको टोली वेस्ट इन्डिज थियो । वेस्ट इन्डिजसँग दुई महिना अघि भएको विश्वकप ग्लोबल छनोटमा जिम्बावेमा खेलेको थियो ।
प्रकाशित मिति २०८० भदौ ११ गते सोमबार ०८:१८
