पोखरा
लामाचौर भलिबल कपको महिलातर्फको खेलमा एभरेष्ट भलिबल क्लबले दोस्रो हार व्यहोरेको छ ।
शनिबारको दोस्रो खेलमा एभरेष्ट विभागीय टोली नेपाल पुलिस क्लबसँग पराजीत भएको हो ।
नेपाल पुलिसले लामाचौरको पहिलो प्रतिस्पर्धामा एभरेष्टलाई ३–० को सोझो सेटमा पराजित गरेको हो ।
पुलिसले एभरेष्टलाई २५–१८, २५–१८ र २५–२० अंकका साथ पराजीत गरेको छ ।
एभरेष्ट भलिबल क्लब शनिबार नै भएको पहिलो खेलमा न्यु डायमण्ड युथ स्पोर्टस क्बलसँग पनि ३–० को सोझो सेटमा नै पराजीत भएको थियो ।
एभरेष्टले अब अर्को विभागीय डर्बी सशस्त्र प्रहरी बलको एपीएफसँग सोमबार प्रतिस्पर्धा गर्नेछ । न्यु डायमण्डले नेपाल पुलिस क्बलको सामना गर्नेछ ।
१० औं संस्करणको राष्ट्रियस्तरको भलिबलमा पुलिस, एपीएफ, न्यु डायमण्ड र एभरेष्ट प्रतिस्पर्धामा छन् ।
नवआदर्श सामुदायिक विकास समाजले आयोजना गरेको महिला पुरुष भलिबल प्रतियोगिताको विजेताले १ लाख ५० हजार १११ रुपैयाँको साथमा ट्रफी, मेडल र प्रमाणपत्र प्राप्त गर्नेछन् ।
दोस्रो हुनेले १ लाख १११ रुपैयाँ र तेस्रोले ५० हजार १११ रुपैयाँको साथमा ट्रफी, मेडल र प्रमाणपत्र प्राप्त गर्नेछन् ।
प्रकाशित मिति २०८० भदौ ३० गते शनिबार ०६:१४
