पाेखराबाट विदाइ हुँदै गुटेरेसले भने, ‘प्रकृतिसँगको युद्ध रोकिनुपर्छ’

पाेखरा

संयुक्त राष्ट्रसंघका महासचिव एन्टोनियो गुटरेसले नेपालको भ्रमणका माध्यमबाट प्रकृतिसँगको युद्ध रोकिनुपर्ने स्पष्ट सन्देश आफूले विश्व समुदायलाई दिएको बताए ।

मंगलवार अन्नपूर्ण  आधार शिविरकाे अवलोकन भ्रमणपछि पोखरामा सञ्चारमाध्यमहरुसँग कुरा गर्दै उनले प्रकृतिसँगको युद्ध रोक्न र जलवायु परिवर्तनको प्रभावको क्षति कम गर्न आवश्यक रहेको बताए ।

उनले नेपालको अद्भुत हिमाल र हिमनदिलाई जोगाउनुपर्ने बताउँदै जलवायु परिवर्तनसँग लड्न नेपाललगायतका देशहरुलाई सहयोगको आवश्यकता रहेको सुनाए ।

महासचिव गुटेरसले जलवायु परिवर्तनका कारण प्रत्यक्ष रुपमा प्रभावित बनिरहेका नेपाललगायतका देशहरुका लागि छुट्टयाइने कोषहरु वृद्धि गरिनुपर्नेमा सबैको ऐक्यबद्धता हुनुपर्नेमा बताए ।

पोखराबाट विदा हुनुअघि गुटेरेसलाई गण्डकी मुख्यमन्त्री सुरेन्द्र राज पाण्डे र पोखराका मेयर धनराज आचार्यले महासचिव गुटेरेसलाई पोखरा झल्कने चित्र र उनको तस्वीर उपहार दिएका थिए ।