थप ६ जनाकाे ज्यान गयाे, ७७६ जनामा कोरोना पुष्टि

पाेखरा । वितेकाे २४ घण्टामा देशभर काेराेना भाइरसकाे संक्रमणबाट थप ६ जनाकाे ज्यान गएकाे छ । यससंगै देशभर हालसम्म मृत्यु हुनेको संख्या १७४९ पुगेको छ ।

यस्तै, पछिल्लो २४ घण्टामा थप ७७६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ६५८८ जनाको परीक्षणमा ४६८ पुरुष र ३०८ महिला गरी ७७६ जनामा संक्रमण पुष्टि भएको हो ।

योसँगै नेपालमा कोरोना भाइरस संक्रमितको संख्या २ लाख ५१ हजार ६९२ पुगेको छ ।

पछिल्लो २४ घण्टामा कोरोना भाइरस संक्रमणमुक्त हुनेको संख्या ९४७ रहेको छ । हालसम्म संक्रमणमुक्त हुनेको संख्या २ लाख ४० हजार ३६३ जना रहेको छ ।

हाल देशभर सक्रिय संक्रमितको संख्या ९५८० रहेको छ ।