पोखरा ।
नेपाल, गुजरात र बरोडा सम्मिलित त्रिकोणात्मक टी–२० फ्रेन्डशिप कप अन्तर्गत नेपालले आज भारतको क्लब बडोरासँग खेल्दैछ ।
खेल आज दिउँसो पौने ३ बजेबाट मेघपन स्पोर्ट्स लाइफ ग्राउण्डमा सुरु हुनेछ ।
नेपाली राष्ट्रिय क्रिकेट टिमले पहिलो खेलमा गुजरातलाई ८ विकेटले पराजित गरेको थियो ।
नेपालसँग पराजित गुजरातले भने सोमबार बडोरालाई ५ विकेटले पराजित गर्दै पहिलो जित निकालेको छ ।
नेपाल आज लगातार दोस्रो जित निकाल्ने दाउमा मैदान उत्रदै छ भने गुजरात पनि पहिलो हारको बदला लिन चाहन्छ ।
त्रिकोणात्मक टी–२० सिरिजमा नेपाल, गुजरात र बरोडा सहभागी छन् । यस सिरिजमा खेल डबल राउण्ड रोबिनमा हुँदैछ ।
नेपालले ओमानमा हुने एसीसी प्रिमियर कपको तयारी स्वरुप सिरिज खेल्न लागेको हो ।
नेपालले चैत २१ मा गुजरातसँग खेल्नेछ । त्यस्तै सिरिजको अन्तिम खेल चैत २३ मा बरोडासँग खेल्नेछ ।
प्रतियोगिताका शीर्ष दुई टोलीले चैत्र २५ मा फाइनल खेल्नेछन् । त्यसपछि नेपाल त्यहीँबाट ओमान जानेछ ।
प्रकाशित मिति २०८० चैत २० गते मंगलबार १०:५४
